Мэйвезерни ишончига кирган ўзбек боксчисига қарши кучли рақиб жанг қилади
Профессионал боксни мағлубиятсиз тарк этган кўпкарра жаҳон чемпиони Флойд Мэйвезерга қарашли “Mayweather Promotions” промоутерлик компанияси билан ҳамкорлик қилаётган ҳамюртимиз Санжарбек Раҳмонов (6-0-1, 3 КО) 24 февраль куни АҚШда навбатдаги жангини ўтказади.
Ушбу профессионал бокс кечаси ташкилотчилари Санжарбек Раҳмоновга қарши жанг қиладиган боксни номини эълон қилди. Унга кўра, енгилмас боксчимиз АҚШ шарафини ҳимоя қилаётган мексикалик Хосе Марруфога қарши рингга чиқади.
25 ёшли Хосе Марруфо профессионал боксчилик фаолиятини 2011 йили бошлаган ва шу кунгача 10 та учрашувда ғалаба қозонган. Шунингдек, бу боксчи бешта мағлубият ва иккита дуранг ҳам қайд этган.
Санжарбек Раҳмонов эса професионал рингда 2015 йилдан буён жанг ўтказмоқда. Ҳаваскорлар боксида катта тажрибага эга бўлган ҳамюртимиз шу кунгача олтита ғалаба ва битта дуранг қайд этган.
Санжарбек Раҳмонов ва Хосе Марруфо жанги саккиз раунд қилиб белгиланди. Жанг тафсилотлари билан SPORTS.uz ахборот порталида танишишингиз мумкин.
Фикрлар