"Милан" 20 ёшли футболчи учун 28 миллион сарфлади
“Аталанта” клуби ярим ҳимоячиси Франк Кэсси фаолиятини “Милан”да давом эттирадиган бўлди. Бу ҳақда Sky Sport Italia журналияти Жанлука Ди Марцио хабар тарқатмоқда.
Маълум бўлишича, “россонеррилар” 20 ёшли футболчи учун бонуслардан ташқари 28 миллион евро тўлашга рози бўлишган. Шунингдек, Кэссининг ўзи билан 5 йиллик келишувга имзо чекишган.
Қайд этиш жоиз, Кот Д’Иувартерма жамоаси футболчисига “Милан”дан ташқари, "Челси", "Эвертон" ва “Рома” клуби ҳам қизиқиш билдирганди.
Фикрлар