"Милан" Белоттининг нархини кўтарди

Италиянинг “Милан” клуби “Торино” ҳужумчиси Андреа Белотти борасидаги ўз таклифини янада яхшилади. Бу ҳақда Football-Italia нашри хабар тарқатмоқда.

Унга кўра “россонерилар” 23 ёшли ҳужумчи учун туринликларга 50 млн евро ҳамда Мануэль Локателли ва М'Байе Ньянгларни қўшиб бермоқчи. Шунингдек ҳимоячи Габриэль Палетта ҳам ушбу трансферга қўшилиши мумкин.

Эслатиб ўтамиз, Италия терма жамоаси форварди учун шунингдек Лондоннинг “Челси” клуби ҳам жиддий қизиқиш билдирмоқда.

Маълумот учун, Белотти ўтган мавсум А Серияда жами 35та учрашувда майдолнга тушиб, ўз ҳисобига 26та гол ҳамда 8та голли узатма ёздириб қўйишга эришган.