"Милан" Доннарумманинг нархини эълон қилди

Италиянинг "Милан" клуби раҳбарияти жамоа дарвозабони Жанлуижи Доннарумманинг трансфер нархини эълон қилди. Бу ҳақда Tuttosport нашри хабар бермоқда.

Унга кўра “россонерилар” 19 ёшли посбонни сотиб олмоқчи бўлган харидорлардан 60 млн евро талаб қилишмоқчи. Агар миланликлар жорий мавсум якунларига кўра Чемпионлар лигаси йўлланмасини қўлга киритишни уддалай олишса, Доннарумманинг нархи яна 10 млн еврога қимматлаши мумкин.

Маълумот учун, Доннарумма жорий мавсум А Серияда жами 27та учрашувда иштирок этиб, шуларнинг 10тасида ўз дарвозаси даҳлсизлигини сақлаб қолган.