Милик ватандошининг операциясига 20 минг евро тўлади

"Наполи" клуби ҳужумчиси Аркадиуш Милик Польшанинг "Гурник" клуби хавбеки Конрад Новакнинг операцияси учун 20 минг евро тўлади. Бу ҳақда Sportowe Facty нашри хабар тарқатмоқда.

Айтиш лозимки, Новак ҳам ҳудди Милик сингари тиззасидан жиддий жароҳат олган, бироқ у даволаниш учун италиялик машҳур профессор Марианига тўлайдиган маблағга эга эмас эди. Ҳамюртининг бундай ҳолатга тушиб қолганидан хабар топган Милик унинг даволаниши учун кетадиган барча харажатларни ўзи тўлаган.

Эслатиб ўтамиз, ўтган ой Миликнинг ўзи ҳам жароҳат олган эди. Айни дамда у тикланиш жараёнларини давом эттирмоқда. Айтиш лозимки, у бир неча ойсиз майдонга қайта олмайди.