Монтелла: Чемпионлар лигасини бошимизни баланд кўтарган ҳолда тарк этдик

Испаниянинг “Севилья” клуби бош мураббийи Винченцо Монтелла кеча “Бавария”га (0:0) қарши бўлиб ўтган ўйиндан сўнг ўз фикрларини билдириб ўтди.

“Биз бугун ғалаба қозонишга ҳаракат қилдик ва ажойиб ўйин ўтказдик. “Бавария”дек кучли жамоа билан тенгма-тенг ўйин кўрсатганимиздан хурсандман. Биз Чемпионлар лигасини бошимизни баланд кўтарган ҳолда тарк этдик. Мен “Севилья” устози эканлигимдан фахрланаман”, - дейди италиялик мутахассис.

Эслатиб ўтамиз, андалусияликлар дастлабки ўйинда ўз майдонларида 1:2 ҳисобида “Бавария”га имкониятни бой бериб қўйишган эди.