Мората "Ювентус"га қайтишга рози

“Челси” клуби ҳужумчиси Альваро Мората яна “Ювентус” аъзосига айланиши мумкин. Ҳозирча клублар бу борада бирор қарорга келишмаган.

RAI телеканалининг маълум қилишича, испаниялик футболчи Турин клубига ўтишга розилик берган. Энди Италия чемпиони Лондон жамоаси билан келишувга эришса бас.

Шунингдек, “Кекса синьора” футболчини сотиб олиш ҳуқуқи билан Моратани икки йил ижарага олишни режалаштирмоқда. 25 ёшли ҳужумчи бу мавсум “Челси” сафида Премьер-лигада 29  ўйинда 11 гол ва 6 голли узатмага муаллифлик қилган. У Италия клубида 2014-2016 йилларда тўп сурган.