Моуриньо: Адашмаган эканман
"Манчестер Юнайтед" бош мураббийи Жозе Моуриньо доимо ўзининг антиқа қарорлари билан ажралиб туради. У кутилаганда жамоанинг етакчи футболчисини захирага "михлаб" қўйиши ёки ҳеч кимнинг эътиборига тушмаган ўйинчини асосий таркибнинг ажралмас қисмига айлантириши мумкин. Бунда Моуриньога ўйинчилар салоҳиятини кўра олиш қобилияти қўл келади.
Жозе Моуриньо "Манчестер Юнайтед"га Златан Иброҳимовични таклиф қилганида унинг тўпурар бўлишига ишонганини ва бу ишонч ўзини оқлаганини айтди.
- Мен Златан Иброҳимович қанча гол урганини санаб юрмайман, - деди Жозе Моуриньо. - Лекин жамоанинг муҳим ўйинчисига айланишини бошидан билган эдим. Златан жуда қимматли футболчи.
Златан Иброҳимович ёзда эркин агент сифатида ПСЖдан "Манчестер Юнайтед"га ўтганидан буён жами 24 та гол урди ва жамоанинг энг яхши тўпурарига айланди.
Фикрлар