Моуриньо "Бавария" футболчисига қизиқиб қолди

Англиянинг «Манчестер Юнайтед» клуби ёзги трансфер ойнаси вақтида «Бавария» клуби ярим ҳимоячиси Артуро Видални қўлга киритишга ҳаракат қилмоқчи.

Sport Bild хабарига кўра, унга шахсан Жозе Моуриньонинг ўзи қизиқиш билдирмоқда. Инглизлар мюнхенликларга чилилик футболчи учун 48 млн евро таклиф қилмоқчи.

Видалнинг ўзига эса йилига 14,4 млн евролик маошга эга бўлган 4 йиллик шартнома таклиф қилинмоқда.

Маълумот учун, Артуро бу мавсум Германия Бундеслигасида 22 баҳсда иштирок этди ва 6 та гол киритишга эришди.