Моуриньо: “МЮ” иккинчи ўрин ҳақида ўйласа ҳам бўлади

“Манчестер Юнайтед” жамоаси бош мураббийи Жозе Моуриньо “Борнмут”га қарши (2:0) кечган Англия чемпионати 35-тур ўйинидан кейин ўз фикрини билдириб ўтди.

“Биз жамоавий ўйин кўрсатганимиз учун ишончли ғалабага эришдик. Кучли тўртликда қолиш учун 3 очко керак эди ва биз буни уддаладик. Энди иккинчи ўрин ҳақида ўйласак ҳам бўлади”, – деди Моуриньо.

Эслатиб ўтамиз, “Манчестер Юнайтед” мамлакат чемпионати якунланишига 3 тур қолганида “Ливерпуль”ни 4 очкога ортда қолдирган ҳолда иккинчи поғонани эгаллаб турибди.