Моуриньо: Златан юқори даражадаги ўйин кўрсатолмаслигини тушунади

“Манчестер Юнайтед” бош мураббийи Жозе Моуриньо Златан Ибрагимовичнинг карьераси ҳақида ўз фикрини билдирди.

­- ­­Ўтмишга қайтиб, “Интер”да Златан билан ишлашни хоҳлардим. Аммо вақтни орқага қайтара олмаймиз ва бу вақт футболчилар учун жуда катта аҳамиятга эгадир.

Ҳар доим ҳам бундай юқори даражадаги ўйин кўрсатолмаслигини Ибрагимович тушунади. Аммо унинг орзулари ва меҳнат севарлиги МЮда фаолиятини тугатишига олиб келиши мумкин.

У ҳамма вақт жамоага фойдаси тегишини хоҳлайди ва буни у бир неча бор таъкидлаб ўтган. Асосийси тизза жарохати Златанни қийнамаслиги керак. Ибрагимович майдонда ва майдондан ташқарисида ҳам “Юнайтед” етакчисидир, - дея Моуриньонинг сўзларини келтиради Daily Mail нашри.