Муддатидан аввал уйига кетмоқчи бўлган Тевес Хитой клубига 5 млн евро жарима тўлади

Аввал хабар берганимиздек аргентиналик машҳур ҳужумчи Карлос Тевес Хитойнинг "Шанхай Шеньхуа" клуби билан амалдаги шартномасини бекор қилди.

Берилган маълумотларга қараганда 33 ёшли футболчи шартномани муддатидан аввал бекор қилгани учун хитойликларга 5 млн евро жарима тўлашга мажбур бўлган.

Эслатиб ўтамиз, Тевес "Шанхай Шеньхуа"га 2016 йилнинг декабрида келиб қўшилган эди. Хитой клуби уни ўша пайтда дунёнинг энг кўп маош олувчи футболчисига (йиллик маоши 36 млн евро) айлантирган эди.

Маълумотларга қараганда Тевес катта эҳтимол билан яна "Бока Хуниорс" клуби сафига бориб қўшилади. Бу унинг ушбу жамоага 3-марта келиши бўлади.