Муҳаммад Ал-Шамлан: "Насаф" ва "АлҲидд" бир хил савияда деган гапим ҳазил эди

Бугун Тошкентдаги “Бунёдкор” стадионида ОЧЛ-2017 ўтиш ўйинидан ўрни олган “Насаф” – “Ал Ҳидд” қарама-қаршилиги бўлиб ўтди. Унда қаршиликлар 4:0 ҳисобида зафар қучиб мусобақанинг кейинги босқичига йўл олишди.

Баҳсдан сўнг меҳмонлар устози Муҳаммад Ал-Шамлан матбуот анжуманида иштирок этди.

- Бугунги ғалаба билан “Насаф”ни табриклайман. Бугун қаршиликлар яхши ўйин намойиш қилишди. Биз учрашув бошидан ўйин тизгинини қўлдан чиқардик. Шундан сўнг мағлубиятга учрадик. Энди “Насаф” кейинги босқичда.

Кеча бош мураббий "Насаф" ва "Ал Ҳидд" бир хил савияда деган эди. Бугунги натижадан сўнг ҳам шундай фикрда қолдими?

- Албатта, кечаги гапларимни ҳазил деса ҳам бўлади. Бу ўзимнинг футболчиларимни руҳиятини кўтариш учун шундай деган эдим. Беллашувда Қаршиликлар бугун бизга умуман имконият қолдиришмади. Шунинг учун улар зафар қучишди. Агар бизда озгина имконият юзага келганида, беллашув балки бошқача бўлармиди?

Бу йил "Ал Ҳидд" унчалик ҳам яхши ўйин намойиш эта олмаяпти. Бунинг сабаби нимада ва ўтган мавсумдаги жамоа тўпурари ҳозир қаерда?

- Ман жамоага келганимга айтиб ўтганимдек 3 ҳафта бўлди. Мен келганимда жамоанинг 3-4 нафар футболчи тарк этди. Қолаверса, биз ҳозир янги жамоа шакллантирмоқдамиз. Биз ҳозир чемпионлик учун эмас, балки яхши клуб барпо қилмоқдамиз.

Бугун мағлубиятга қарамай мураббийнинг кайфияти анча яхши. Бунинг сабаби нимада?

- Бу аввало Футбол. Бу нормал ҳолат. Футболда ҳатто "Реал" ҳам мағлуб бўлган. Шунинг учун бундан фожеа ясамаслигимиз керак. Энди янада кўп ишлашимиз зарур.