Муҳаммадқодир Абдуллаевнинг ашаддий рақибини буюк чемпион рингга чақирди
Ўзбекистонлик машҳур боксчи Муҳаммадқодир Абдуллаев (21-4-0, 14 КО) билан ҳам ҳаваскор боксда, ҳам профессионал рингда жанг қилган пуэрто-риколик Мигель Котто (40-5-0, 33 КО) яна бир супер жангда иштирок этиши керак.
Профессионал боксда тўрт вазн тоифасида чемпионлик камарига эгалик қилган 36 ёшли Мигель Котто билан 43 ёшли буюк чемпион Хуан Мануэль Маркес (56-7-1, 40 КО) рингда куч синашишни истамоқда. Мексикалик бу боксчи ҳам тўрт вазнда жаҳон чемпиони бўлган.
- Маркес профессионал боксдан кетмоқчи эмас, - деди боксчининг мураббийи Игнасио "Начо" Беристайн. - У ҳамон бокс юлдузи сифатида барчанинг эътиборида ва Мигель Котто билан жанг қилишни истайди.
Ўз навбатида Мигель Котто ҳам жангга розилик берди.
- Менинг Хуан Мануэль Маркесга қарши жангимни ташкил қилиш мумкин, - деди Мигель Котто. - Бунинг учун биз музокара ўтказиб, ўзаро келишиб олсак бўлгани.
Мигель Котто навбатдаги жангини 25 февраль куни америкалик Жеймс Киркландга қарши ўтказаши керак. Маркес эса 2014 йилнинг майидан буён рингга кўтарилгани йўқ. Муҳаммадқодир Абдуллаев эса профессионал боксчилик фаолиятини 2011 йилда якунлаган.
Фикрлар