Муҳим ўйин олдидан “Эспаньол” ҳимоячиси сафдан чиқди

Каталониянинг “Эспаньол” клуби бош мураббийи Кике Санчес Флорес Испания Ла Лигасининг навбатдаги “Реал”га қарши ўйин олдидан таркибда жиддий йўқотишга учради. Marca нашри хабарига кўра шу куни каталонияликлар сафида ҳимоячи Марк Наварро майдонга туша олмайди. Бундан ташқари, “Эспаньол”нинг асосий фигураларидан бири Виктор Санчес ҳам ҳали тўлиқ соғайиб улгурмаган ва у ҳам ушбу ўйинни ўтказиб юборади.

Эртага “Сантьяго Бернабеу”да бўлиб ўтадиган баҳсда Кике Санчес Флорес марказий ҳимояда Давид Лопеснинг хизматларига таяниши мумкин. 

Таъкидлаш керакки, эртангги баҳс олдидан "Реал"да ҳам жиддий йўқотиш мавжуд. Аввалроқ, ЕЧЛнинг "Наполи"га қарши баҳсида сонидан жароҳат олган Серхио Рамос шу куни "қироллик клуби"га ёрдам бера олмаслиги мумкинлиги ҳақида хабар берган эдик.

Эслатиб ўтамиз, "Реал" ҳамда "Эспаньол" жамоалари ўртасидаги баҳс эртага Тошкент вақти билан 20:15да бошланади.

Фикрлар

Фикр қолдириш учун авторизациядан ўтинг!