Мураббийсиз қолган «Бухоро» клуби «Навбаҳор»га қарши ўртоқлик ўйини ўтказади

“Навбаҳор” жамоасининг Тошкентдаги йиғини давом этмоқда. Бугун футболчилар икки маҳаллик машғулотларда қатнашишди. Январь ойи бошида тиббий кўрикдан ўта олмаган ва таркибга кечроқ қўшилган футболчилар тиббий кўрикдан ўтишди.

Жамоа йиғинида иштирок этаётган ҳужумчилардан бири Илҳом Алибоев Наманганга қайтиб “Навбаҳор”нинг ёшлари жамоаси сафида "Ҳоким кубоги-2017" халқаро мусобақасига тайёргарлик кўради. Шунингдек, кўрикдан ўтиш учун таклиф этилган Бобир Тиллабоев (“Локомотив”) ва Шуҳрат Ҳамидов (“Хотира-79”) ушбу турнирда иштирок этади.

Асосий таркиб вакиллари Тошкентдаги навбатдаги назорат учрашувини 26 январь куни “Бухоро” жамоасига қарши ўтказишади.