Муроджон Аҳмадалиев Нью-Йоркда рақибини нокаутга учратди

Бокс бўйича Ўзбекистон терма жамоаси ва “Uzbek Tigers” собиқ аъзоси Муроджон Аҳмадалиев ўзининг иккинчи профессионал жангини Нью-Йоркда ўтказди.

Мазкур тўқнашувда унга аргентиналик Карлос Кастон Суарес (7-4-3, КО2) рақиблик қилди. 4 раундли этиб белгиланган тўқнашувда Муроджон профессионал рингдаги иккинчи нокаутини қайд этди. 4-раундда рефери жангни тўхтатишга мажбур бўлди.

Эслатиб ўтамиз, Муроджон Аҳмадалиев учун иккинчи жанг бўлди. У олдинги жангида ҳам аргентиналик куч синашиб, муддатидан олдин ғалабани тантана қилган.