Муроджон Аҳмадалиев навбатдаги жангда ҳам муддатидан аввал ғалаба қозонди

Мамлакатимиз мезбонлик қилаётган Бокс бўйича Осиё чемпионатининг чорак финал жангларига бугун старт берилди.

56 кг вазн тоифасида Ўзбекистон шарафини ҳимоя қилаётган Муроджон Аҳмадалиев бутанлик Нима Доржига қарши жанг билан чорак финал баҳсларини бошлаб берди.

2016 йилги Олимпиада совриндори бўлмиш Муроджон рақибига умуман имконият қолдирмаган ҳолда, баҳсни иккинчи раунддаёқ ўз фойдасига ҳал этди.

Қайд этилган ушбу натижа боксчимизга Германияда ўтадиган бокс бўйича жаҳон чемпионатига тўғридан йўлланмани тақдим этди.

SPORTS.uz Ахборот Портали мухбирлари Бокс бўйича Осиё чемпионатида қайд этилаётган натижаларни тезкорлик билан тақдим этиш мақсадида Ўзбекистон Спорт Мажмуасида иш олиб боришмоқда.

SPORTS.uz Ахборот Порталидан узоқлашманг.