Муроджон Аҳмадалиевга эртанги жанг олдидан омад тилаб қоламиз

Аввал хабар берганимиздек, кучли зарба ва метин ҳимояга эга бўлган истеъдодли боксчимиз  Муроджон Аҳмадалиев (2-0-0)профессионал боксдаги учинчи жангини 14 июль куни ўтказади. Муроджон АҚШнинг Калифорния штатидаги “Hollywood” аренасида аргентиналик Луис Фернандо Молина (7-4-1)қарши рингга кўтарилади.

Профессионал рингда шу вақтга қадар 12 та жанг ўтказган ўттиз ёшли Луис ўзининг сўнгги жангини 2017 йилнинг декабрь ойида ўтказиб, мағлубиятга учраган.

Муроджон эса профессионал рингдаги илк жангини 10 март куни аргентиналик Давид Мичел Пазга (4-4-1) қарши ўтказиб, нокаутга учратган бўлса, 21 апрель куни ўтган иккинчи жангида яна бир аргентиналик Карлос Суаресни (7-4-3) техник нокаутга учратди.

Эртага бўлиб ўтадиган жангда ҳамюртимиз Муроджон Аҳмадалиевга омад тилаб қоламиз.