Мхитаряннинг севимли жамоаси қайси?

Англиянинг “Манчестер Юнайтед” клуби ярим ҳимоячиси Гейнрих Мхитарян 2009 йил берган интервюсида “Арсенал” клубини ёқтиришини айтиб ўтган экан.

УEФА расмий сайтида 20 ёшли Мхитаряннинг “Пюник”да ўйнаб юрган кезларида берган интервьюси сақланиб турган экан.

“Менинг севимли жамоам – “Арсенал”. Менга уларнинг ҳужумкорлиги ва тезлиги ёқади. Бундан ташқари, Арсен Венгер ёш футболчиларга ишонч билдиради ва шу билан бирга муваффақиятларга эришади.

Умид қиламанки, бир кун келиб мен бу жамоада ўйнайман”, – деб айтиб ўтган экан арманистонлик футболчи.

Қайд этиш жоиз, инглиз ОАВда Мхитаряннинг “тўпчилар” сафига ўтиши мумкинлиги борасидаги хабарлар кун сайин “болаламоқда”.

Фикрлар

Фикр қолдириш учун авторизациядан ўтинг!