Н'Голо Канте: “Арсенал”га қарши баҳс “Челси”нинг энг яхши ўйини бўлмади

“Челси” жамоаси ярим ҳимоячиси Н'Голо Канте “Арсенал”га қарши кечган ва “аристократлар”нинг 3:1 ҳисобидаги ғалабаси билан якунланган ўйин ҳақида ўз фикрларини билдириб ўтди.

“Бу “Челси”нинг энг яхши ўйини бўлмади, аммо “Арсенал” устидан эришилган ғалаба катта аҳамият касб этади. Чемпионлик учун кураш якунига етмади. Олдинда яна 14 та тур бор.

Ўтган мавсумда “Лестер” билан чемпион бўлдим, бу сафар “Челси” билан ғолиб бўлишни истайман. Бироқ мавсум ҳали якунига етмади”, – деди франциялик футболчи.

Айни дамда “Челси” 59 очко билан АПЛда пешқадамлик қилмоқда. Иккинчи ўринда бораётган “Тоттенхэм” ҳисобида 47 очко ва битта захира ўйини бор. “Арсенал” 47 очко билан учинчи поғонада.