“Наполи” Кулибалининг нархини эълон қилди

Италиянинг “Наполи” клуби ўзининг марказий ҳимоячиси Калиду Кулибали билан хайрлашмоқчи эмас.

Rai Sport тарқатган хабарга кўра клуб президенти Аурелио Де Лаурентис ва бош мураббийи Маурицио Сарри бу масалада ўзаро гаплашишган. Айтиш лозимки, улар «Реал», «Челси» ва «Манчестер Юнайтед» қизиқаётган ушбу сенегаллик футболчини 120 млн евродан камига сотишмайди. Бу эса дунё футболи тарихида ҳимоячилар учун энг катта нарх ҳисобланади.

Айни дамда голландиялик Виргил ван Дейк жаҳоннинг энг қиммат ҳимоячиси бўлиб турибди. У «Саутгемптон»дан «Ливерпул»га 86 млн евро эвазига келиб қўшилган эди.