“Наполи” етакчиси майдонга қачон қайтиши маълум бўлди

“Наполи” жамоаси ярим ҳимоячиси Лоренцо Инсинье майдонга қачон қайтиши маълум бўлди. Италиялик футболчи ЕЧЛ гуруҳ босқичи 3-турида “Манчестер Сити”га қарши учрашувда жароҳат олган эди.

Тиббий кўрикдан кейин Лоренцонинг пайлари бироз чўзилгани маълум бўлди. Жароҳат у қадар оғир эмас ва 1 ҳафтадан кейин майдонга қайта олади.  

Лоренцо Инсинье 21 октябрь куни Италия А Сериясининг 9-тури “Интер”га қарши ўйинни ўтказиб юбориши хабар қилинмоқда.