"Наполи" ҳужумчиси ярим йил футбол ўйнолмайди

Аввалроқ “Наполи” клуби ҳужумчиси Аркадиуш Милик Италия А Сериясининг ўтган турида СПАЛга (3:1) қарши баҳсда жароҳат олгани ҳақида хабар берган эдик.

Италиялик машҳур журналист Жанлуки Ди Марционинг хабар беришича ўтказилган тиббий текширувлардан сўнг 23 ёшли польшалик футболчи 4-6 ойга сафдан чиққани маълум бўлган.

Эслатиб ўтиш лозимки, Милик бундан роппа-роса бир йил муқаддам ҳам айнан пайларидан жароҳат олган ва 4 ойга сафдан чиққан эди.

Маълумот учун, Аркадиуш жорий мавсум А Сериянинг 3та учрашувида майдонга тушган ва ўз ҳисобига 1та гол ёздириб қўйишга эришган эди.