“Наполи” қишда Белоттига 40 миллион евро таклиф қилади

Неаполнинг “Наполи” клуби қишки трансфер даврида ўз таркибини Италия терма жамоаси ҳамда “Торино” клуби ҳужумчиси Андреа Белотти билан кучайтирмоқчи.
Маълумотларга кўра, бу ҳолат жамоа ҳужумчиси Аркадиуш Миликнинг узоқ муддатга сафдан чиққани билан боғлиқлиги айтилмоқда. Corriere dello Sport нашрининг хабар беришича, неаполликлар “Торино” билан Белотти борасида алоқага чиққан. 
Айтиш керакки, “Наполи” Белоттига қизиқаётган ягона жамоа эмас. Италиялик моҳир ҳужумчини АПЛнинг уч жамоаси – “Арсенал”, “Манчестер Юнайтед” ва “Лестер” ҳам ўз таркибига қўшиб олишни истамоқда.
Эслатиб ўтамиз, 22 ёшли Белотти ушбу мавсум Италия А Сериясида жами 11та учрашувда иштирок этиб, ўз ҳисобига 10та гол ва 3та голли узатма ёздириб қўйишга эришган
 

Фикрлар

Фикр қолдириш учун авторизациядан ўтинг!