“Насаф” Акмал Шораҳмедовни ўз таркибига қўшиб олиши мумкин

Тошкентнинг “Бунёдкор” клуби ҳимоячиси Акмал Шораҳмедов фаолиятини Қаршининг “Насаф” жамоасида давом эттириши мумкин.

Бизга маълум бўлишича, “аждарлар” “қалдирғочлар” сардорига қизиқиш билдирмоқда.

Бир неча йил “Бунёдкор” шарафини ҳимоя қилган Акмал Шораҳмедов 7 январдан “Насаф” йиғинига қўшилиши кутилмоқда.

Эслатиб ўтамиз, ўтган мавсум бошида ҳам Акмал “қалдирғочлар”ни тарк этиши мумкинлиги борасида хабарлар тарқалганди.