“Насаф” анжуманлар залида "Орзу" китобининг тақдимоти бўлиб ўтди

4 апрель,2017, 19:47 540

“Насаф” анжуманлар залида

Халқимиз азалдан китобни яқин дўст, китоб мутолаасини юксак фазилат, деб билган.

Ҳурматли Президентимиз Шавкат Мирзиёевнинг 2017 йил 12 январдаги “Китоб маҳсулотларини чоп этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғибот қилиш бўйича комиссия тузиш тўғрисида”ги фармойиши бу борадаги ишларни янги босқичга олиб чиқди. Давлатимиз раҳбари ташаббуси билан бошланган бу эзгу иш замирида чуқур маъно мужассам. Зеро, асрлар давомида бутун авлодларни китоб тарбиялаб келган.

Бугун, 4 апрел куни Қарши шаҳридаги “Марказий” стадион анжуманлар залида, яқинда нашрдан чиқарилган Маҳмаюсуф Бердиевнинг “Орзу” китобининг тақдимот маросими бўлиб ўтди. Тақдимот маросимида Қашқадарё вилоят футбол федерациясининг маъсул ходимлари, мамлакатимизнинг таниқли журналистлари, ОАВ вакиллари, футбол клуби раҳбарлари, мураббийлар, футбол соҳасида фаолият юритаётган мутахасислар ҳамда футбол ишқибозлари ишитирок  этишди.

 

Тақдимот маросимида Ўзбекистон Республикасси Олимпия Қўмитасининг матбуот котиби, таниқли журналист Зафар Имомхўжаев, мамлакатимизда футбол янгиликларини кенг ёритиб бораётган “Championat asia” веб порталининг бош маъмури Нодирхўжа Юлдашев, спорт журналистлари Зафар Қосимов ва Диёр Имомхўжаевлар ҳам ҳозир бўлишди.

Шунингдек тақдимот маросимида, З.Имомхўжаев сўзга чиқиб, китоб ҳақида, ундаги мазмун моҳият ҳақида ўз фикрларини билдbриб ўтди. Жумладан, “Биз футболчиларимизга кўпроқ амалий ва назарий билимлар берамиз. Аммо уларнинг руҳий камолига ҳар доим ҳам эътибор қаратавермаймиз. Ишончим комилки, ушбу “Орзу” китоби футболчиларимизни руҳий жиҳатдан тайёрлашда, уларнинг онгини ривожлантиришда катта туртки бўлади”, -деди.

Тақдимот маросимида олим ва устоз ҳамда ашаддий футбол мухлиси Чори Асланов,  Қашқадарё вилояти футбол федерацияси биринчи вице президенти Норқул Даминов, “Насаф” ПФК бош менеджери Ш.С.Ярулин, “Шўртан” ПФК бош директори Ш.Намозовлар ҳам янги китобнинг футболчилар ҳаётидаги аҳамияти ундаги муҳим бобларга тўхталиб, ўз фикларини билдиришди.

 

 

 

Сўзга чиққанларнинг ушбу китоб аҳамиятини ёш футболчилар, мураббийлар ва футбол мутахасислари ўртасида кенг тарғибот қилиш таклифи ҳам ўртага ташлашди.

 

Тақдимот маросимида “Орзу” китобининг муаллифи Маҳмаюсуф Бердиев маросим иштирокчиларига китобнинг ёзилиш тарихи, унинг мазмуни ва аҳамияти ҳақида сўзлаб берди. Маросим иштирокчилари муаллифнинг чиқишини катта қизиқиш ва эътибор билан кузатишди.

Тақдимот маросимидан сўнг, иштирокчиларга, китоб муаллифи Маҳмаюсуф Бердиев ўз дасхати ёзилган китобларни совға сифатида тақдим этди.