“Насаф”нинг ОЧЛ-2018даги рақиби "Ал-Файсалий"га мураббий тайинланди. Қизиқ, у ким экан?

“Насаф”нинг ОЧЛ-2018 плей-офф босқичидаги рақиби Иорданиянинг “Ал-Файсалий” клубига янги мураббий тайинланди. Бу ҳақда клуб расмий сайти хабар тарқатди.

Аввал хабар қилганимиздек, клубга яқинда сербиялик 39 ёшли мутахасис Иван Гвозденович ҳам келганди. Аммо клуб раҳбарияти бу қарор билан қониқмаган кўринади. Энди жамоага яна бир мураббий жалб этилди. Бу ҳақда voha.uz хабар бермоқда.

Тунислик 47 ёшли мутахасис Набил Куки, бунгача Иордания премьер-лигаси пешқадамларидан бири “Ал-Рамтҳа” жамоасини бошқараётган эди.

Набил Куки футболчилик фаолиятини 1990 йилда бошлаган. У ярим ҳимоячи бўлган. Мураббийлик фаолиятини эса 2011 йилдан йўлга қўйган. Набил Куки 2015 йили Суданнинг “Ал-Ҳилол” клубини Африка чемпионлар лигаси (CAF)да ярим финалга олиб чиққан мураббий ҳисобланади.