"Навбаҳор" - "Бунёдкор". Жамоалар эртага қандай либосда ўйнайди?

Хабарингиз бор эртага Наманганнинг "Навбаҳор" клуби Ўзбекистон Суперлигаси 7-тури доирасида Тошкентнинг "Бунёдкор"ини  қабул қилади. Бугун ҳар иккала жамоа вакиллари ўртасида митинг бўлиб ўтди ва унда жамоалар эртанги ўйинни қандай либосда ўтказишлари маъдум бўлди.

Унга кўра, "лочинлар" ўзларининг уй либоси бўлмиш қизи рангли формаларда тўп суришса, "қалдирғочлар" оқ рангдаги экипировкаларда ўйнайдиган бўлди.

Маълумот учун, ушбу ўйин эртага Намангандаги "Марказий" стадионда соат 18.00 да старт олади.