"Навбаҳор" навбатдаги турга тайёргарликни Тошкентда бошлади
Бекободнинг “Металлург” клубига қарши учрашувдан сўнг бир кун дам олиш имконига эга бўлган “Навбаҳор” бугун Тошкентда тўпланишди. Бу ҳақда клуб расмий сайти хабар бермоқда.
Манбада ёзилишича, 21 сентябрь куни Ғузорда “Шўртан” билан ўтадиган ўйинга тайёргарлик айнан пойтахтда олиб борилади. Футболчилар икки кун давомида Тошкентда шуғулланишгач, 20 сентябрь куни эрталаб Қарши шаҳрига йўл олишади.
Бугун куннинг иккинчи ярмида Тошкентда йиғилган “лочинлар” соат 18:00да дастлабки машғулотда иштирок этишади.
Фикрлар