Нокаут! Равшанбек Умурзаковнинг рақиби 4 раунд чидаб берди

Бугун Россиянинг Екатеринбург шаҳрида ташкил этилган бокс бўйича профессионал жангларда икки нафар ҳамюртимиз навбатдаги жангларни ўтказишди.

61,2 кг вазнда рингга кўтирилган Равшанбек Умурзаков (2-0, КО2) ўз ҳисобига яна битта нокаут ёзиб қўйди. 8 раунд қилиб белгиланган тўқнашувда унга грузиялик енгилмас боксчи Мераб Туркадзе (5-0, КО2) рақиблик қилди.

Қизиқарли кечган беллашувнинг 4-раундида Равшанбек чаққон ва аниқ ҳаракат қилиб, жангнинг муддатидан олдин якунланишини таъминлади.

Шунингдек, ушбу бокс кечасида яна бир ҳамюртимиз Сардор Музаффаров ҳам нокаутга эришган эди.