Нўъмон Ҳасанов: Турнир жадвалининг пастки қисмидаги жамоаларга ачинаман

Олий лига 27-туридан ўрин олган “Бухоро” – “Қўқон-1912” жамоалари ўйинидан сўнг бўлиб ўтган матбуот анжуманида дастлаб “Қўқон-1912” жамоаси бош мураббийи Нўъмон Ҳасанов Ҳасанов иштирок этди. Бу ҳақда "Қўқон-1912" жамоаси матбуот хизмати хабар бермоқда.

"Бугун жуда қизиқарли ва мухлисларга ёқадиган ўйин бўлди. Агар биз ютқазганимизда турнир жадвалидаги аҳволимиз ёмонлашар эди. Бугунги ўйин учун футболчиларимга раҳмат айтаман. Улар бугун мухлислага ёқадган ўйин кўрсатишди. Бухоро жамоаси хам хозирги кунда бекорга 5-ўринда турмаганини майдонда исбот қилди.

Олий лигадаги ислохотларга нима дейишим мумкин? Турнир жадвалининг пастки қисмидаги жаоаларга ачинаман. Менимча бу ишга ёки вақтлироқ ёки мавсум тугагандан сўнг қўл урилса яхши бўлар эди. Яхшики, биз керакли очколарни биринчи даврада йиғвоганмиз.

Пенальти менимча бор эди. Ҳакам вазиятга анча яқин турган эди. Қолаверса биз киритган учинчи голимиз ҳам инобатга олинмади. Ҳакамларни ҳаракатларини муҳокама қилмайман, бу ишни бажарадиган масъул шахслар бор. Ўйиндаги вазиятлар видеотасвирлари сайтларда чиқса керак , ўзларинг кўриб баҳо берасизлар деб ўйлайман. Шу ўринда Қўқондан келиб стадионда бизни қўллаб турган мухлисларимизга алоҳида миннатдорчилик билдирмоқчиман.
Бухоро жамоасига кейинги ўйинларда омад тилайман", - деб айтиб ўтди қўқонликлар устози.