Нурсултон Рўзибоев "Aхмат" турнирида рақибини нокаутга учратди (видео)

Россиянинг Грозний шаҳрида аралаш яккакураш жанг санъатлари бўйича WFCA 44 турнири бўлиб ўтди.

Ушбу мусобақанинг 77,1 кг вазн тоифасида ҳамюртимиз Нурсултон Рўзибоев (13-4) рингга кўтарилди. Унда спортчимизга россиялик Игор Байер (4-4) рақиблик қилди.

Қизиқарли кечган беллашувда Нурсултон рақибига имкон бермади ва биринчи раунднинг ўзидаёқ жангни якунлаб қўя қолди ва ғолибликни қўлга киритди.

Эслатиб ўтамиз, ўтган ой спортчимиз “WEF GLOBAL 10” турнири доирасида қирғизистонлик Ерболот Оморзаков билан куч синашиб, чемпионлик камарини сақлаб қолган эди.

 

Фикрлар

Фикр қолдириш учун авторизациядан ўтинг!