ОЧЛ–2017. “Бунёдкор” эртага қандай либосда ўйнайди?

Тошкентнинг “Бунёдкор” жамоаси 21 февраль куни Жидда шаҳрида “Ал-Аҳли” клубига қарши Осиё Чемпионлар Лигасининг 1-тур учрашувини ўтказади. Бугун ҳар иккала жамоа менежерлари ўртасида йиғилиш бўлиб ўтди. Унда бир қатор ташкилий масалалар муҳокама қилинди.

• ОЧЛ–2017. “Локомотив” ва “Бунёдкор” учрашувлари превьюси

Тадбир давомида жамоаларнинг эртанги учрашувда қандай рангли либосларда тўп тепиши ҳам аниқлаб олишди. Унга кўра, “Ал-Аҳли” оқ, “Бунёдкор” қизғиш рангли либосларда тўп тепадиган бўлди.

Эслатиб ўтамиз, “Ал-Аҳли” – “Бунёдкор” учрашуви 21 февраль куни Жиддадаги “Қирол Абдуллоҳ Спорт Сити” стадионида маҳаллий вақти билан 20:15да (Тошкентда 22:15 бўлади) бошланади.