ОЧЛ-2017: “Шанхай Шенхуа”ни Тевес ҳам гуруҳ босқичига олиб чиқа олмади

Осиё чемпионлари лигаси гуруҳ босқичи йўлланмаси учун кечган навбатдаги баҳс ўз якунига етди. Жаҳоннинг энг кўп маош олувчи футболчиси Карлос Тевес ҳаракат қилаётган Хитойнинг “Шанхай Шенхуа” жамоаси ўз майдонида Австралиянинг “Брисбен Роар” клубини қабул қилди.

Қизиқарли кечган баҳсда “яшил қитъа” вакиллари Брендон Борьелло (2’) ва Томми Оарнинг (40’) биттадан киритган голлари эвазига ғалаба қозонди.

Шундай қилиб, ҳамюртимиз Валентин Коваленко бошқарган ўйинда австралияликлар зафар қучиб, ОЧЛ-2017 мусобақасининг “Е”  гуруҳидан ўрин эгаллади.

ОЧЛ-2017 Плей-офф
08.02.2017
“Шанхай Шеньхуа” (Хитой) – “Брисбен Роар” (Австралия) – 0:2 (0:2)
Голлар: Брендон Борьелло 2’, Томми Оар 40’.

Энди “Брисбен Роар” мусобақанинг “Е” гуруҳида “Кашима Антлерс” (Япония), “Муангтонг Юнайтед” (Таиланд) ва “Улсан Хюндай” (Ж.Корея) клублари билан куч синашади.