ОЧЛ. Коваленко бошқарган ўйинда Аҳмедовнинг жамоаси плей-офф масаласини ҳал этди (видео)
Бугун ОЧЛда 5-тур ўйинлари якунланди. Ҳамюртимиз Одил Аҳмедов фаолият олиб борадиган Хитойнинг “Шанхай СИПГ” клуби ўз майдонида Япониянинг “Кавасаки Фронтале” жамоасини қабул қилди.
Ўзбекистонлик ФИФА рефериси – Валентин Коваленко бошлиқ ҳакамлар бригадаси ишлаган мазкур беллашувда кучлар тенг келди – 1:1.
Аҳмедов ўйинни асосий таркибда бошлади ва тўлиқ 90 дақиқа майдонда тўп тепди.
Ушбу натижадан сўнг Витор Перейра бошқарувидаги жамоа жамғарган очколар сони 11 тага етди ва чин клуби плей-офф масаласини муддатидан аввал ҳал этишга эришди.
Қуйида ушбу ўйин видеошарҳи билан танишиш имконига эгасиз.
ОЧЛ. 5-тур
“Шанхай СИПГ” (Хитой) – “Кавасаки Фронтале” (Япония) 1:1
Голлар: Элкесон (68) – Чинен (74).
Фикрлар