Обамеянг "Арсенал"га келгач, Жирунинг "Челси"га кетиши аниқ бўлди

“Арсенал” клуби форварди Оливье Жиру яқин соатлар ичида “Челси” футболчисига айланади.

L’Equipe нашри тарқатган хабарга қараганда Лондон клублари бу борада келишиб олишган. Унга кўра “аристократлар” франциялик футболчи учун ҳамшаҳарларига 22 млн евро тўлашади.

Жиру тиббий кўрикдан муваффақиятли ўтиши биланоқ “Челси” билан 1,5 йиллик шартнома имзолайди. Келишувга кўра ушбу муддат кейинчалик яна 1 йилга узайтирилиши мумкин.

Маълумот учун, Жиру жорий мавсум АПЛда жами 16та учрашувда иштирок этиб, ўз ҳисобига 4та гол ёздириб қўйишга эришган.