“Обод” машғулотларни бошлади

Олий лиганинг 3-турини сафарда "Бухоро"га қарши ўтказиб кичик ҳисобда ғалаба нашидасини сурган жамоамиз аъзолари беллашувдан кейин қисқа муддатли таътилга чиққан эди.

Бугун таътил тугаб, футболчиларимиз машғулотларга қайтди ва Ўзбекистон Кубогининг 1/16 финал доирасида "Ёзёвон-Лочинлари" жамоасига қарши ўйинга тайёргарлик бошлаб юборилди.

Эслатиб ўтамиз, Ўзбекистон Кубоги доирасидаги баҳс 24 март куни бўлиб ўтади.