Одилжон Ҳамробеков: Юртдошларимизга байрам қувончини улашмоқчимиз

Хабарингиз бор, эртага U-23 Осиё чемпионати финал баҳси бўлиб ўтади. Ҳал қилувчи баҳсда Ўзбекистон олимпия терма жамоаси Вьетнамга қарши баҳс олиб боради.

Терма жамоамизнинг ушбу босқичга етиб келишида Одилжон Ҳамробековнинг ҳам катта ҳиссаси бор ва ОФК расмий сайти финал олдидан  Ҳамробековдан интервью олди.

“Барча ҳамюртларимиздан биздан ғалаба кутишмоқда. Чемпион бўлиш учун барча имкониятларимизни ишга соламиз ва мухлисларни хурсанд этишга ҳаракат қиламиз.

Ҳар бир рақибни ҳурмат қилиш лозим. Бу чемпионатга келган 16 жамоанинг ҳеч бири кучсиз эмас. Ветнам билан Таиланддаги турнирда тўқнаш келганмиз. Ўзини ҳурмат қилдирадиган жамоа саналади. Уларнинг гуруҳ босқичи ва плей-оффдаги ўйинларини кўрдик, таҳлил қилдик. Таркибида кучли футболчилар бор.

Барча Ўзбекистон аҳлига чемпионлик билан байрам хурсандчилигини улашмоқчимиз”, – деб айтиб ўтди Ҳамробеков.