Огқул Испанияда ҳам мағлуб бўлди, ҳам…

Олдин хабар бериб ўтганимиздек, айни кунларда Испаниянинг Сеговия шаҳрида ИTF тақвимидан ўрин олган турнир давом этмоқда.

Ўзбекистонлик Оқгул Омонмуродова ушбу турнирнинг яккалик баҳсларидаги юришини ғалаба билан бошлагани ҳақида хабар берган эдик. Кеча Оқгул иккинчи даврадаги ўйинини ўтказди. Ҳамюртимизга хорватиялик Бибиана Шуфс рақиблик қилди. 1 соат 46 дақиқа давом этган баҳсда Омонмуродова 3:6, 6:7 ҳисобида мағлуб бўлди ва яккалик баҳсларидаги юришини якунлади.

Жуфтлик беллашувлардиа грузиялик София Шапатова билан жуфтлик ҳосил қилган Оқгул кеча чорак финалда Деа Хердзелас(Босния ва Герцоговина)/Папамихаил Деспина(Греция) дуэтига қарши кортга чиқди. 59 дақиқа давом этган ўйинда Оқгул ва унинг шериги 6:2, 6:4 ҳисобидаги ғалабани қўлга киритди.

Шу тариқа, Омонмуродова кеча ҳам мағлуб бўлди, ҳам ғалаба қозонди.