"Олд Траффорд"даги жанжал сабабчиси маълум бўлди

Ўтган дам олиш кунида бўлиб ўтган «Манчестер Юнайтед» ҳамда «Манчестер Сити» жамоалари ўртасидаги баҳсдан сўнг содир бўлган жанжал “қизил иблислар”нинг швециялик ҳужумчиси Златан Ибрагимовичнинг ҳақоратланиши сабаб бошлангани маълум бўлди.

Marca нашрининг ёзишича шу куни ғалабани тантана қилган Хосеп Гвардиола швециялик ҳужумчининг устидан кулиш имкониятини қўлдан бой бермаган ва унга қарата “Ибра сен кўп гапирасан, лекин жудаям кам ҳаракат қиласан” деб айтган.

Ўз навбатида МЮдагилар ушбу сўзларни провакация деб баҳоладилар ва шу сабаб жанжал келиб чиқди. Ушбу можарода таҳминан 20 киши иштирок этгани айтилмоқда.

Айтиш керакки, Англия футбол ассоциацияси ушбу ҳолат юзасидан айни дамда тергов ишларини олиб бормоқда.