Олим Назаров очколар бўйича грузиялик боксчини мағлуб этди

Тошкентда бўлиб ўтаётган профессионал жангларда 8 нафар боксчимиз Россия, Танзания, Индонезия, Грузиядан келган чарм қўлқоп усталари билан куч синашмоқда.

Кечанинг 5-жангида ҳамюртимиз Олим Назаров (53,5 кг) профессионал рингдаги 26-беллашувини грузиялик Хвича Гиголашвили (18-26-0, КО6)га қарши ўтказди.

10 раунд қилиб белгиланган жангни боксчилар зарбалар алмашуви билан бошлашди.

Жанг ўрталарига қадар боксчимиз катта устунликка эга бўлди, аммо грузиялик боксчи ҳам бўш келмади.

Якунда ғолиб номи ҳакамлар томонидан аниқланди ва Олим Назаров ғалаба қозонди.

Олим Назаров бунга қадар 25 жангда 20 ғалаба ва 5 мағлубият қайд этган.

Эслатиб ўтамиз, кечанинг асосий жангида Азиз Абдуғофуров (10-0-0, КО4) россиялик Дмитрий Чудинов (21-2-2, КО13 -Россия) билан куч синашади.