Олимжон АҚШда америкалик енгилмас боксчи билан жанг қилади
Бугун тунда АҚШнинг Атлантик Сити шаҳри мезбонлик қилаётган профессионал бокс кечасида тўққизта жанг ўтказилади. Улардан бирида ўзбекистонлик чарм қўлқоп устаси Олимжон Назаров рингга чиқади. Ҳамюртимизнинг бу галги рақиби мағлубиятсиз фаолиятини давом эттираётган Стефон Янг бўлади.
Олимжон Назаров профессионал рингдаги фаолиятини 2008 йилда бошлаган. Ҳозиргача 17 та жанг ўтказган боксчимиз 14 та ғалаба (8 нокаут) ғалабага эришган ва уч маротаба мағлуб бўлган. Унинг рақиби Стефон Янг эса 18 та жангдан 15 тасида (6 нокаут) зафар қучган ва уч маротаба дуранг натижа қайд этган.
Стефон Янг ва Олимжон Назаров иштирокидаги рейтинг жанги саккиз раунд қилиб белгиланди.
Фикрлар