Оливье Жиру “Арсенал” тарихига кирди

Лондоннинг “Арсенал” клуби ҳужумчиси Оливье Жиру кеча Европа Лигаси 2-туридан ўрин олган БАТЭга қарши баҳсда гол киритишга муваффақ бўлди.

Эътиборлиси, ушбу гол франциялик форварднинг “тўпчилар” сафида киритган юбилей – 100-голи бўлди.

Бундай натижага “Арсенал”нинг фақатгина 18 футболчиси эриша олган эди. Энди улар сафига Жиру ҳам қўшилди.

Маълумот учун, Жиру 2012 йил Франциянинг “Монпелье” жамоаси сафидан Лондон клубига таркибига келиб қўшилган эди.