"Олмалиқ" хорижда 4та ўртоқлик учрашуви ўтказади

28 июнь, 13:55 326


Биринчи давра баҳслари "Олмалиқ" учун якунлангач, жамоа аъзоларига 4 кунлик таътил берилди. Бу ҳақда клуб расмий сайти хабар бермоқда. 

Манбанинг маълум қилишича, футболчилар машғулотларни 30 июндан бошлашади. 4 июль куни эрталаб жамоа аъзолари тиббий кўрикдан ўтишади. Шу куни кечки пайт эса 36 кишидан иборат "Олмалиқ" делегацияси Минск шаҳрига ёзги ўқув-машғулотларини ўтказиш учун жўнат кетади. 25 июлга қадар давом этиши кутилаётган йиғинда олмалиқликлар 4та ўртоқлик учрашуви ўтказади.

Жамоа таркибидаги ўзгаришлар ҳақида кейинроқ маълумот бериб ўтамиз.