Омонмуродова Санкт-Петербургдаги турнирнинг чорак финалига чиқди

Ҳамюртимиз Оқгул Омонмуродова Россиянинг Санкт-Петербург шаҳрида ташкиллаштирилган "Neva Cup 2017" турнирининг  яккалик баҳслари саралаш босқичида 16 ёшли теннисчига мағлуб бўлиб, яккалик баҳсларида курашдан чиққан эди.

Энди 33 ёшли теннисчимиз россиялик шериги Анастасия Фролова билан жуфтлик баҳсларида курашга киришди. Мукофот жамғармаси 100 000 АҚШ долларини ташкил этадиган турнирнинг жуфтлик баҳслари биринчи даврасида Оқгул ва унинг шериги Вивиан Хейзен(Германия)/Валерия Страхова(Украина) дуэтига қарши кортга чиқди.

1 соат 6 дақиқа давом этган қарама-қаршиликда 6:2, 3:6, 10:6 ҳисобида Оқгул/Анастасия дуэти ғалаба қозонди ва улар чорак финалга йўл олишди.

Бу босқичда уларга ким рақибалик қилиши эса бугунги беллашувлардан сўнг, маълум бўлади.

Фикрлар

Фикр қолдириш учун авторизациядан ўтинг!