Ўзбек теннисчиси Шарапова билан ўйнайдиган бўлди
Қозоғистонда теннис бўйича ташкил этилган "Capital Cup - 2017" халқаро турнирида дунёнинг ўнга яқин давлатидан келган теннисчилар ғолиблик учун куч синашмоқда.
Қизлар ўртасидаги яккалик беллашувларида мамлакатимиз шарафини муносиб ҳимоя қилаётган теннисчиларимиздан тўрт нафари иккинчи давра ўйинларига йўлланма олди.
Турнирда биринчи рақамда сараланган ҳамюртимиз Ясмина Каримжонова дастлабки босқичда россиялик Ксения Шикановани 6:2, 6:2 ҳисобида мағлубиятга учратди. Ясмина чорак финалга чиқиш учун мезбонлар вакиласи Анастасия Шарапова билан рақобатлашади.
Шунингдек, ўзбекистонлик теннисчилардан Милена Масленкова қозоғистонлик Мария Синицинани 6:4, 6:0, Юлия Ким россиялик Ксения Михайловани 7:6, 6:3, Олеся Ким эса қирғизистонлик Сора Кунакуновани 6:2, 7:5 ҳисобида доғда қолдирди.
Фикрлар