Ўзбек йигити Пакьяо юртида рингга чиқади
29 январь куни профессионал бокс юлдузи Мэнни Пакьяонинг юрти Филиппинда катта бокс кечаси ташкил этилади. Мусобақа дастурига киритилган ўнта учрашувдан бирида ўзбекистонлик Даврон Қуронбоев профессионал рингдаги дебют жангини ўтказади.
- Илк учрашувимга жиддий тайёргарлик кўрдим, - дейди Даврон Қуронбоев SPORTS.uz ахборот порталига. - Насиб қилса фаолиятимни ғалаба билан бошлайман.
Ярим оғир вазнда ўтказиладиган жангда ҳамюртимизга филиппинлик Арбин Эская рақиблик қилади. Бу боксчи профессионал боксчилик фаолиятини 2013 йилнинг охирида бошлаган ва еттита учрашув ўтказган.
Бўлажак жангда Даврон Қуронбоевга муваффақият тилаймиз!
PS. Жанг натижасини SPORTS.uz ахборот порталида кузатиб боринг.
Comments