Ўзбекистон аёллар терма жамоаси бугун иккита назорат баҳсини ўтказди

Хабарингиз бор, футбол бўйича Ўзбекистон аёллар терма жамоаси 3-11 апрель кунлари ўтказиладиган Осиё чемпионати–2018 саралаш босқичида қатнашиш учун Олмалиқ шаҳрида ўқув машғулот йиғинида иштирок этмоқда.

• Ўзбекистон аёллар терма жамоаси Осиё чемпионати–2018 турнирига саралаш босқичида иштирок этади

Бугун терма жамоамиз ушбу йиғин доирасида иккита назорат ўйинида майдонга тушди. Дастлабки баҳсда, вакилаларимиз “Олмалиқ” БЎСМ U-17 га қарши ўйин ўтказиб, 1:2 ҳисобида мағлубиятга учради. Иккинчи ўйинда “Олмалиқ” ПФКга қарши тўп суриб, 1:3 ҳисобида имкониятни бой берди.

Хусусан, терма жамоа бош мураббийи Шерали Бобоқулов бугунги ўйинларда қуйидаги таркибларни синаб кўрди.

Биринчи ўйин:

15 январь, 10.00.

Ўзбекистон аёллар терма жамоаси - "Олмалиқ" БЎСМ U-17 - 1:2 (0:1).

Гол - Мавлуда Мунавварова (78´ пен.)

Биринчи учрашувда майдонга тушган футболчилар - 1-4-1-4-1: Мафтуна Жонимқулова, Зумрад Назарова - Мафтуна Шоимова - Холида Дадабоева - Камола Рисқиева, Нозима Камолтоева, Людмила Карачик - Маҳфуза Туропова - Рушания Сафина - Умида Зоирова, Махлиё Сарикова.

15 января, 16.00.

Ўзбекистон аёллар терма жамоаси - "Олмалиқ" ПФК U-17- 1:3 (0:1).

Гол - Людмила Карачик (77´).

Иккинчи учрашувнинг бошланғич таркиби (1-4-1-4-1): Лайло Тилавова, Гулҳаё Маннабоева - Моҳигул Икромова - Юлдузхон Набиева - Дилрабо Асадова, Ўғилой Қўчқорова, Малика Бурхонова - Мавлуда Мунавварова - Дилдора Нозимова - Севара Нормуродова, Нилуфар Қудратова.

Қайд этиш жоиз, Олмалиқдаги ўқув машғулот йиғини давом этмоқда ва кейинги назорат баҳси 19 январь куни “Бунёдкор” U-15 жамоасига қарши ўтказилади.

Мақоланинг русча талқини...