Ўзбекистон ёшлар термаси голлар шоусида Россияга ютқазди

 

Ўзбекистон ёшлар терма жамоаси бугун, 27 май куни Олмалиқ шаҳрида Россия U-21 термасига қарши ўртоқлик ўйинида майдонга тушди.

ОКМК стадионида ўтказилган голларга бой кечган ўйинда Равшан Ҳайдаров шогирдлари 3:4 ҳисобида имкониятни бой берди.

Россияликлар сафида Иван Облиаков дубль қайд этган бўлса, Рифат Жемалетдинов ва Дмитрий Баринов биттадан гол урди. Ўзбекистон ёшлар термаси таркибида Сардор Азимов, Бобур Абдухолиқов ва Забиҳилло Ўринбоев биттадан голга муаллифлик қилди.

Мазкур учрашув Ўзбекистон ёшлар терма жамоаси учун 2018 йили Хитойда бўлиб ўтадиган U-23 Осиё чемпионатига саралаш босқичига тайёргарлик вазифасини ўтади. Саралаш босқичи учрашувлари шу йилнинг 15–23 июль кунлари БААда бўлиб ўтади.

Ўртоқлик учрашуви
Олмалиқ, ОКМК стадиони
27 май, шанба

Ўзбекистон U-21 – Россия U-21 —3:4

Голлар: Сардор Азимов (50), Бобур Абдухолиқов (52), Забиҳилло Ўринбоев (78) – Иван Облиаков (7, 33), Рифат Жемалитдинов (пенальти, 20), Дмитрий Баринов (61)

Огоҳлантиришлар: Александр Лихачёв (31), Илья Жигулёв (42), Лео Гогличидзе (77)

Ўзбекистон U-21: Дилшод Ҳамроев (Шохрух Эшбўтаев, 46), Ойбек Рустамов,  Эргаш Исмоилов,  Ҳусниддин Ғофуров, Хуршид Ғиёсов, Сардорбек Азимов, Ислом Рашидхонов, Забиҳилло Ўринбоев, Жавоҳир Қаҳрамонов (Жавоҳир Сиддиқов, 35), Шароф Муҳитдинов, Достонбек Турсунов.

Захира: Шохрух Эшбўтаев, Ислом Қобилов, Азиз Ғаниев, Жавоҳир Сидиқов, Абдужамол Исроилов, Равшан Хурсанов, Дониёр Нарзуллаев, Бобир Абдухолиқов, Бегзод Ғанижонов.

Россия U-21: Игорь Обухов (Илья Помазун, 46), Евгений Назаров, Александр Лихачёв, Шамсиддин Шанбиев, Павел Шакуро, Игорь Безденежних, Даниил Фомин, Рифат Жемалетдинов, Илья Жигулёв, Иван Облиаков, Георгий Мелкадзе.

Захира: Илья Помазун, Игорь Лешчук, Дмитрий Баринов, 7.Ильзат Ахмедов, Фёдор Чалов, Алексей Гасилин, Алекс Мацукатов, Игорь Коновалов, Никита Калугин, Зелимхан Бакаев, Лео Гогличидзе, Николай Рассказов.

Фикрлар

Фикр қолдириш учун авторизациядан ўтинг!